Posts by andrika

რამდენად ეფექტური იქნება ახალი აპლიკაცია Covid 19-ის წინააღმდეგ?

ჯან­დაც­ვის სა­მი­ნის­ტრომ აპ­ლი­კა­ცი­ის პრე­ზენ­ტა­ცია გა­მარ­თა, რო­მე­ლიც მომ­ხმა­რებ­ლებს შე­საძ­ლებ­ლო­ბას აძ­ლევს, გა­ი­გოს, იმ­ყო­ფე­ბო­და თუ არა კონ­ტაქ­ტში COVID 19-ით ინ­ფი­ცი­რე­ბულ­თან.

ქვეყანაში, სადაც ფეხებზე კიდიათ ყველაფერი, მოსახლეობის 90% არ ითვალისწინებს რეკომენდაციებს, არ ემორჩილება მთავრობის მიერ დადგენილ რეგულაციებს სახლიდან გამოდიან და ისე დადიან ქუჩაში თითქოს არაფერი ხდება მსოფლიოში, ყველაფერი ისეა როგორც ადრე იყო, რა აპლიკაცია გვიშველის?

იმის ოდნავი შეგნება არ აქვთ რომ შენ თუ საკუთარი თავი ფეხებზე გკიდია სხვა მაინც გაითვალისწინე, ქუჩაში რომ ვინმე გააჩერო კარგი არგუმენტი აქვთ, არ ეშინიათ ვირუსის. შენ არ გეშინია სხვებს ეშინიათ. შენ თუ არ ხარ რისკის ჯგუფი შეიძლება სხვა იყოს, დააინფიცირო და შენი უპასუხისმგებლო საქციელით რამდენიმე ადამიანი მოკლა.

ჭკვიანი ადამიანები სხვის შეცდომებზე სწავლობენო და ჩვენ ხო არ აღმოვჩნდით ჭკვიანები, საკმარისი არაა იტალიის, ესპანეთის, ამერიკის, საფრანგეთის მაგალითი, ჩვენ ჩვენს შეცდომებზეც კი ვერ ვსწავლობთ, ანუ არც ჭკვიანებში და არც სულელებში არ გავდივართ, ვეღარ გავიგე ვინ ვართ, რატო და საიდან გვაქვს ამხელა ამბიცია რომ ჩვენ არ შეგვეხება ეს ვირუსი.

ან ეკლესიაში რა ხდება. ჭკუა არც ამ საკითხში გვერგო, კორეაში სწორედ ეკლესიიდან იფეთქა ვირუსმა. საქართველოში მართმადიდებლური ეკლესიის გარდა ყველა რელიგიური დაწესებულება დახურულია, ამათ არ უნდათ ძალაუფლების დაკარგვა, ღმერთის სწამთ რომ ეკლესიიდან არ გავრცელდება. გინდათ დამაჯეროთ რომ ჯიპიან მამაოებს უფრო სწამთ ღმერთი ვიდრე კათოლიკური ეკლესიის მღვდელმსახურებს, მუსლიმანური მეჩეთის მლოცველებს?

ძალიან არასამართლიანი და უპასუხისმგებლო საქციელია როცა სხვა რელიგიის ჩვენი თანამოქალაქეები სახლში ხვდებიან ყველა რელიგიურ დღესასწაულს, სახლიდან ლოცულობენ და ამათ ფეხებზე კიდიათ მხოლოდ იმიტომ რომ ძალა და გავლენა არ დაკარგონ მრევლზე.

კარანტინი როგორც შესაძლებლობა

უკვე რამდენიმე თვეა მსოფლიო საყოველთაო კარანტინშია. არ აქვს მნიშვნელობა ხართ თუ არა კორონა ვირუსის მატარებელი. თქვენ და მე უნდა ვისხდეთ სახლში,რათა ხელი შევუშალოთ ვირუსის გავრცელებას. ეს მნიშვნელოვანია როგორც ჩვენთვის ისე გარშემომყოფთათვის.

შეიძლება რაღაც პერიოდი თვითნებურად გამოვკეტილვართ სახლში, ერთი ან ორი კვირა არ გამოვსულვართ სახლიდან და ეს არც გვაწუხებდა, მაგრამ იმის გააზრება, რომ აკრძალული გაქვს გარეთ გასვლა უკვე ზედმეტად რთულად მოქმედებს ადამიანის ფსიქიკაზე, თუმცა ამას ისევ ჩვენ თუ ვუშველით.

რეალურად ამ მომენტის გამოყენება ჩვენსავე სასიკეთოდ შეგვიძლია. რა დროც არ უნდა გავიდეს მსოფლიო და სამყარო არ ჩამოიშლება, ოდესღაც ისევ დავუბრუნდებით ცხოვრების ჩვეულ რიტმს.

ეს ყველაფერი ჰგავს ბრძოლას გადარჩენისთვის, სადაც მხოლოდ ძლიერები იმარჯვებენ, ძლიერები როგორც იმუნიტეტით ასევე ფსიქიკით და ჩვენც ძლიერად უნდა შევხვდეთ ყველაფერს.

ჩვენ წლებია ვწუწუნებთ იმაზე, რომ არ გვაქვს საკმარისი დრო ოჯახისთვის. ახლა ზუსტად გაქვთ შანსი დასხდეთ ოჯახთან, ისაუბროთ ნებისმიერ თემებზე, გააკეთოთ განსხვავებული კერძები, ითამაშოთ სამაგიდო თამაშები, წაიკითხოთ საინტერესო წიგნები, უყუროთ ფილმებს, დაესწარით ონლაინ კურსებს, უყურეთ საინტერესო მასტერკლასებს, მთავარია იპოვოთ თქვენი ინტერესეი და იმოქმედოთ შესაბამისად.

ჩვენ დიდიხანია ვწუწუნებდით ძილის უკმარისობაზე, ახლა გაქვთ შესაძლებლობა ესეც ერთიანად დაიკმაყოფილოთ. უბრალოდ იძინეთ იმდენი რამდენიც გინდათ.

მთელი მსოფლიო გადაეწყო განათლების ახალ დისტანციურ მეთოდზე. ჩვენ უკვე წლებია ვფიქრობთ და ვერ ვდგამდით აქამდე ამ ნაბიჯს, ამ კრიზისმა კი გვაიძულა მიგვეღო ეს გადაწყვეტილება. მართალია, უმეტეს შემთხვევებში დისტანციური განათლების მიღებისას ვაწყდებით უამრავ პრობლემას, თუმცა დროთა განმავლობაში ეს პრობლემები მოგვარდება. ამასთან, თუ მოგბეზრდათ თქვენი სამსახური, გინდათ პროფილის შეცვლა, გაქვთ შანსი და დრო დაეუფლოთ ახალ პროფესიას. ისწავლოთ რაღაც ახალი და როცა სამყარო დაუბრუნდება ახალ რიტმს, თქვენ ცხოვრებას შეუდგებით ახალი პროფესიით.

დაგეგმეთ თქვენი ყოველი მომდევნო დღე. დაგეგმეთ ყველაფერი, ისიც დაგეგმეთ თუ არაფრის კეთება არ გინდათ, უბრალოდ სიზარმაცე დაგეგმეთ. ეს ფსიქოლოგიურად ძალიან დაგეხმარებათ. როდესაც დაგეგმილს ასრულებთ ფსიქოლოგიურად მეტად თავდაჯერებული ხდებით, რაც გინდოდათ ის გააკეთეთ.

იფიქრეთ მეტად გლობალურად, რომ ამ სიტუაციაში მხოლოდ თქვენ არ ხართ. იფიქრეთ პოზიტიურად, უყურეთ კომედიურ ფილმებს და არავითარ შემთხვევაში არ განიხილოთ თქვენს გონებაში ამ სიტუაციის ტრაგიკული ფანტასტიკური ფინალები. ცხოვრებაში ყველაფერი შედარებითია, ჩვენი ქვეყანა კი, სხვა მოწინავე, განვითარებული ქვეყნების ფონზე ბევრად კარგ მდგომარეობაშია.

გავა ეს დროც, ყველაფერი გაივლის და მერე ინანებთ რომ მეტად ნაყოფიერად შეგეძლოთ ამ დროის გამოყენება.

გისურვებთ ჯანმრთელობას!

3 აუცილებელი ჩვევა წარმატებისთვის: ძილი, ვარჯიში და პოზიტიური აზროვნება

ხანდახან როდესაც საქმე მიდის იქამდე რომ თქვენ აღწევთ წარმატებას პროფესიულ თუ პირად ცხოვრებაში, პრიორიტეტი ენიჭება ყველაზე მარტივ და უბრალო მიზეზებს, ეს არის ყველაზე სასარგებლო რასაც კი იზავთ.

როდესაც თქვენ მთელ სხეულს და გონებას ჩადებთ თქვენს საქმეს, სწორედ მაშინ მიაღწევთ სასურველ შედეგს.

მნიშვნელობა არ აქვს, რაში გსურთ წარმატების მიღწევა, წარმატებისთვის არსებობს სამი აუცილებელი პირობა, ჩვევა რომელიც ყოველთვის უნდა გააკეთოთ: ძილი, ფიზიკური ვარჯიში და პოზიტიური აზროვნება.

ქვემოთ ჩამოვთვლით თითოეულს და განვიხილავთ, რატომ არის ისინი ასე მნიშვნელოვანი.

1. გამოიძინეთ კარგად

ჩვენს დროში ძალიან ბევრი ადამიანი განიცდის ძილის ნაკლებობას.

ამის გამომწვევი მრავალი ფაქტორი არსებობს, რომელთაგან პირველი არის დატვირთული, სტრესული ცხოვრება, რომელშიც ჩვენ ვცხოვრობთ. როდესაც გაქვთ ბევრი ვალდებულებები ცხოვრებაში რთულია მისცე საკუთარ თავს და გონებას მოდუნების და დასვენების საშუალება.

მეორე ფაქტორი, რომელიც იწვევს უძილობას, არის ხელოვნური შუქი, განსაკუთრებით სმარტფონის ან კომპიუტერისგან მიღებული შუქი.

ბევრი ადამიანი ღამის საათებს ატარებს ტელეფონთან ან კომპიუტერთან და ზუსტად იმ წუთიდან ცდილობენ დაძინებას.

შუქის ამ მუდმივმა მოწოდებამ შეიძლება თქვენს ტვინს აფიქრებინოს რომ ისევ დღეა, ეს ყველაფერი კი შეანელებს მელატონინის გამომუშავებას და გიძნელდებათ ღამით დაძინება.

თუ გსურთ, რომ იყოთ ყველთვის ფორმაში და კარგად გამოიყურებოდეთ, აუცილებელია რომ გადალახოთ ეს სირთულეები და ღამით კარგად გამოიძინოთ.

რეკომენდებულია რვა საათის განმავლობაში ძილი, და მიზნის მისაღწევად ნამდვილად ღირს.

როდესაც ყოველ საღამოს საკმარისად იძინებთ ისე, რომ მეორე დღეს თქვენი სხეული და გონება სრულად განახლდება, შეიძლება გაგიკვირდეთ იმ შედეგებისგან, რაც მას მოაქვს.

2. ვარჯიში

ვარჯიში წარმატების მთავარი ფაქტორია.

ვარჯიშის ფიზიკური სარგებელი კარგად არის დადასტურებული. ამასთან, რა თქმა უნდა, აღსანიშნავია ვარჯიშის გონებრივი სარგებელიც.

უამრავმა გამოკვლევამ აჩვენა, თუ რა გავლენას ახდენს რეგულარული ვარჯიში თქვენს თავდაჯერებულობაზე, ოპტიმიზმზე, ენთუზიაზმზე და სხვაზე.

როდესაც ვარჯიშობთ, თქვენი სხეული ათავისუფლებს ენდორფინებს – ”ბედნიერების ჰორმონი” – და ამ ენდორფინებს საშუალება აქვთ მოგაწოდოთ დადებითი სარგებელი ფართო სპექტრთან დაკავშირებით თქვენი დღის შესახებ.

ენდორფინების გამოთავისუფლების გარდა, რეგულარულ ვარჯიშს შეუძლია გაგიზარდოთ თვითდაჯერებულობა თქვენი სხეულის შეცვლით და ეს ყველაფერი გაგრძნობინებთ რომ თქვენ შეგიძლიათ მიაღწიოთ თქვენს მიზნებს თუ ამისთვის კარგად განეწყობით.

რა თქმა უნდა, ვარჯიში მხოლოდ ფიზიკური სარგებლის გამოც ნამდვილად ღირს.

როდესაც რეგულარულად ვარჯიშობთ, მეტი ენერგია, მეტი ძალა და უკეთესი ჯანმრთელობა გექნებათ – ყველაფერი, რაც შეძლებს მეტი წარმატების მიღწევას, როგორც თქვენს პირად, ასევე პროფესიულ ცხოვრებაში.

3.  იფიქრეთ პოზიტიურად

დაბოლოს, პოზიტიურად უნდა იფიქროთ.

არსებობს მოტივაციური ციტატა, რომელშიც ნათქვამია: “თუ გგონიათ, რომ შეძლებთ ან ფიქრობთ, რომ არ შეგიძლიათ, მართალი ხართ”.

უმეტესად ადამიანის შეხედულება ცხოვრებაზე ხშირად იქცევა თვით ასრულების წინასწარმეტყველებად. როდესაც გონებას ავსებთ პოზიტიური აზრებითა და ოპტიმიზმით, ჩვეულებრივად პოზიტიური შედეგებს მოყვება.

და როდესაც გონებას ავსებთ უარყოფითი აზრებითა და პესიმიზმით, პირიქით უარყოფითი შედეგები მოყვება.

პოზიტიური აზროვნება არის როგორც საწვავი თქვენი გონებისთვის, გიბიძგებთ წარმატებისკენ, რომ დაგეხმაროთ იმ პრობლემების გადალახვაში, რომელთა წინაშეც აღმოჩნდებით.

იმისათვის, რომ გქონდეთ აზროვნება, რომელიც თავისთავად წარმატებისკენ მიისწრაფვის, აუცილებელია დაიწყოთ თქვენი ცხოვრების ყველა ასპექტში პოზიტიური თვალთახედვის მცდელობა.

და ბოლოს, თქვენ შეიძლება გაოცდეთ იმაზე, თუ რამდენად დრამატული იქნება შედეგები, როდესაც გააკეთებთ ამ ერთ მარტივ ცვლილებას.

ახლა მინდა შენგან მოვისმინო პასუხი ჩემს კითხვაზე. დღეს პოზიტიურად ფიქრობდით საკუთარი თავზე, მიზნებზე?

შენ არ ხარ მშიშარა, შენ უნდა გაიმარჯვო საკუთარ თავზე!

არ უსმინო არავის რომ შენ რამე არ შეგიძლია, არც მე. თუ გაქვს ოცნება, მოუფრთხილდი მას. ხალხს რომელსაც არაფერი არ შეუძლიათ, ჰგონიათ რომ ვერც შენ ვერ შეძლებ. დაისახე მიზანი? შეასრულე, მიაღწიე და მორჩა!

ადამიანი წლების მანძილზე ბევრს კარგავს, მაგრამ ეს ცხოვრებაა. შენ ხვდები მაშინ როდესაც კარგავ რაღაცას, შენ ხვდები რომ ცხოვრება თამაშია სადაც მნიშვნელოვანია ყოველი წამი.

გეუბნები იმას რაც შენთვის სიახლე არ არის. სამყარო არაა ყოველთვის მზიანი და სასიამოვნო, ეს საშიში და დაუნდობელი ადგილია, ოდნავ თუ მოდუნდი გადაგისვრის ისეთი სიმძლავრით რომ ადგომა ძალიან გაგიჭირდებ. არც მე, არც შენ და ამ სამყაროში არავინ ისე არ გვირტყამს და გვაზარალებს როგორც ცხოვრება.

მთავარი არ არის ის თუ შენ როგორ ურტყამ ცხოვრებას, მთავარია შენ როგორ უძლებ დარტყმებს. როგორ ისწრაფვი წინ. გინდა წინსვლაა? იარე წინ. თუ იცი რად ღირხარ, მიდი იარე და მიიღე შენი მაგრამ იყავი მზად მიიღო დარტყმები ცხოვრებისგან და არ იწუწუნო, – მე ვერაფერს ვერ მივაღწიე, იმის გამო, ამის გამო ან რაღაცის გამო, ასე მშიშრები იქცევიან. შენ არ ხარ მშიშარი. ეს შეუძლებელია!

დრო ძალიან ბევრს ნიშნავს ცხოვრებაში! შენ გჭირდება ბევრი დრო რომ ბევრს მიაღწიო. შენ უნდა ადგე ადრე! არ აქვს მნიშვნელობა ცივა, თბილა. უნდა აკეთო ისეთი რაღაცები რასაც ჩვეულებრივად აქამდე არ აკეთებდი. შენ თუ გინდა შეცვალო შენი შედეგი, პირველ რიგში უნდა შეცვალო შენი ქმედებები.

ადექი 5 საათზე. ერთი დღე მაინც და ნახავ როგორ იგრძნობ თავს როდესაც 5 საათზე შენ დარბიხარ გარეთ და შენს მეზობლებს ამ დრო ეძინებათ, გაიღვიძებენ 6 საათზე, გამოიხედებიან ფანჯარაში და იფიქრებენ თუ რას მოუტანთ დღევანდელი დღე მათ, შენ კიდევ უკვე მოგიტანა. ეს მუშაობს!

შენ იგრძნობ რომ შენ ცხოვრობ. შემდეგ მიდიხარ სამსახურში და ფიქრობ, ან იქნება ისე როგორც მე მინდა ან ჯანდაბამდეც წასულან! არასდროს არ აიღო მათგან მაგალითი, მათ ზრდით ეკრანები, მიეცი შესაძლებლობა შენ გიყურონ, დაგისვან სულელური კითხვები, მიიღონ პასუხები და იოცნებონ გახდნენ შენნაირი! დაიმახსოვრე შენ არ ხარ მათნაირი!

როდემდე უნდა იოცნებო? მოქმედების დროა! დახარჯე ერთი დღე, გაიგე როგორი გრძნობაა როდესაც შენ გღვიძავს და სხვებს სძინავთ ან ირბინო იქ სადაც სხვები ამბობენ – არა იქ ცივა, არ ვიგრძნობ თავს კომფორტულად, მე ვერ წავალ, მაგრამ შენ დგები და მიდიხარ, კი შეიძლება ეს არ იყოს სასიამოვნო მაგრამ როცა ამას გააკეთებ შენ იგრძნობ სიამაყეს საკუთარ თავში, არ ვიცი მოგეწონება თუ არა ეს შენ მაგრამ თუ მოგეწონება, ბევრს მიაღწევ!

როგორ გავხდე მილიონერი 30 წლამდე?

გამარჯობა მეგობრებო, დღეს ამ პოსტში შევეცდები მოგიყვეთ და რჩევები მოგცეთ თუ როგორ გავხდეთ მილიონერი 30 წლამდე.

რა თქმა უნდა ეს რჩევები არის ზოგადი და მიზნის მისაღწევად საჭიროა ამ რჩევების მაქსიმალურად თქვენს შესაძლებლობებსა და მიზნებზე მორგება.

ახლა გეტყვით 5 ცხოვრებისეულ წესს, გასაღებს იმისთვის რომ უფრო სწრაფად მივიდეთ დასახულ მიზნამდე.

1. პირველი, ეს არის ოცნება. მოუფრთხილდით თქვენს ოცნებებს. იოცნებეთ რაც ნამდვილად გსურთ, შეუძლებელია ეს თუ შესაძლებელი. გარშემო მყოფები გეტყვიან რომ მოეშვით ოცნებებს, დაეშვით მიწაზე, მაგრამ არავის მოუსმინოთ, იოცნებეთ, გაუფრთხილდით თქვენს ოცნებებს და იბრძოლეთ საკუთარი მიზნების და ოცნებების რეალიზებისთვის.

ნებისმიერი ადამიანი რომელიც აღწევს თავის დასახულ მიზანს, მჯერა რომ სადღაც მის სიღრმეში ჰქონდა ძალიან ძლიერი ოცნება რომელმაც მისცა მას განხორციელების, კეთების მოტივაცია.

2. სცადეთ ბევრჯერ. ნებისმიერი წარმატების გასაღები არის მცდელობა წარმატებისა. ჩვენ დაზუსტებით და გარანტირებულად არასდროს არ ვიცით რა გამოვა და რა არა, ზოგ რაღაცას ნაკლებ მცდელობაში ვაღწევთ ზოგს კი ჭირდება ბევრი, 10-20 მცდელობა. ერთ-ერთ ბიზნეს წიგნში ეწერა რომ პირველი 9 მცდელობა აუცილებლად ჩავარდება და მეათე იქნება წარმატებული. ამიტომ ჩათვალეთ რომ თქვენ თამაშობთ თამაშს, ყველა რთულ თამაშში რამდენიმე წარუმატებელი მცდელობის შემდეგ ვიგებთ და ვაღწევთ მიზანს, წარუმატებელი მცდელობების დროს ვსწავლობთ იმ წვრილმან საკითხებს და ყოველ შემდეგ მცდელობაში ვაუმჯობესებთ ამას. არ უნდა გეშინოდეთ წარუმატებლობის, წარუმატებლობის გარეშე წარმატება არცერთ ვარიანტში არ მოდის. რადგან ერთხელ რაღაც არ გამოგივათ ეს იმას არ ნიშნავს რომ თქვენ ეს არ შეგიძლიათ. სცადეთ მეორედ, მესამედ, მეოთხედ……… იქამდე სანამ არ გამოგივათ.

3. იმისთვის რომ ზოგადად ცხოვრებაში რამეს მიაღწიოთ, საჭიროა რომ გჯეროდეთ საკუთარი თავის. გახდით მეტად თავდაჯერებულები. თავდაჯერებული ადამიანი მისი კომპეტენციისა და გამოცდილების მიუხედავად ყოველთვის მოძებნის ნებისმიერი სიტუაციიდან გამოსავალს. თავდაჯერებულობისთვის სპორტი საუკეთესო საშუალებაა.

4. ჩვენ უნდა შეგვეძლოს შესაძლებლობების დანახვა. ნებისმიერ სიტუაციაში უნდა ვხედავდეთ შესაძლებლობებს რაღაცა ახლის. არის კატეგორია ადამიანების რომლებიც ვერ ხედავენ შესაძლებლობებს და მეორე კატეგორია კი ხედავს, ეჭიდება და იწყებს შესაძლებლობების რეალიზებას. უნდა ამოვიგდოთ თავიდან ფიქრები, რომ თუ ეს ასეთი კარგი იდეაა, შესაძლებლობაა რატომ ჩემამდე სხვამ არ გააკეთა როცა გარშემო ამდენი ჭკვიანი და წარმატებული ადამიანია ან ახლა არ არის შესაფერისი დრო, შემდეგ ისევ გადის დრო და ისევ არ არის შესაფერისი მომენტი. ეს ყველაფერი არის უბრალოდ ხელის შემშლელი ფიქრები. უნდა შევიგნოთ რომ უბრალოდ უნდა ვცადოთ, არ გამოვიდა, ოქეი გააგრძელეთ სვლა, სცადეთ კიდევ, დახვეწეთ ან სცადეთ სხვა რამე. თქვენ ამით მიიღეთ გამოცდილება, გახდით უფრო ძლიერები, მეტად დაუახლოვდით თქვენს მიზნებს.

5. და ბოლო, განვითარდით. არ შეწყვიტოთ განვითარება, არასდროს იფიქროთ რომ მორჩა, თქვენ ყველაფერი იცით და მეტი აღარაფრის სწავლა არ გჭირდებათ. სწორედ თქვენს განვითარებაზეა დამოკიდებული ის თუ რა საზოგადოებასთან გექნებათ ურთიერთობა, რა მანქანით ივლით და რა საქმეს მოკიდებთ ხელს მომავალში.